سعيد ملاعب
يا ملك الساحة اللبنانية ع بياض
ويا زمان الطائفية والاوغاد
كان ل مفروض انتو تموتوا مش زياد
مش زياد
يا كاتب احلى الاغاني كلماتك كلا معاني
ألحانك من كوكب تاني والكوبليه بعدو بينعاد
يا زياد
للفن بفنك دوختو لرغيف السخن ضحكتو
بالشمع الاحمر ختمتو كسّرت كل الابعاد
يا زياد
يا حبيب الملايين مشيو خلفك ل مساكين
وعليا ل عيونا حلوين لوّنو دموعا السواد
يا زياد
سني شيعي يا محسن مسيحي درزي ممكن
ول مؤمن ول مش مؤمن وحّدت بموتك ل بلاد
يا زياد
منك الحب تعلمت بلا ولا شي دندنت
وقف الشعر دقيقة صمت ول مزح اعلن لحداد
يا زياد
صارت تفهم هاك البنت وعم تسألني كيفك انت
يا ضيعانك ملا انت بألف سنة ما بتنعاد
يا زياد
ما عمنعرف شو بدو وما بدنا نفهم قدو
اغلاطو ما بينعدو وعم بتاجر بالعباد
يا زياد
لو بتشوف مربى الدلال رقص ومحن وابتذال
مهرجان واحتفال وشعب غزة عم ينباد
يا زياد
جنوبك واقف بولادو ول معتر هوي ذاتو
ألوف الشهدا لماتو وبعدو زكريا قواد
يا زياد
قولك رح توعى ل شعوب او بس علينا مكتوب
نصمد ونموت بالجنوب والحكم هوي الجلاد
يا زياد
الحرب الاهليه عشناها قلو كس اختك بلاها
من كتر ما تذكرناها الهيئة انو رح تنعاد
يا زياد
والله انا مش كافر مقبور ببتي وناطر
قالو عني شاعر شاطر لا قل الحكي ولا زاد
يا زياد
لو فيي لعندك روح ارجع آخد منك روح
أو اتبرعلك بالروح وترجع تخفف أحقاد
يا زياد
يا نيال السما فيك ويمكن حتى ما تكفيك
صرت حب التلفريك ت قرّب منك بالكاد
يا زياد
وعدونا بحرية شريفة شفنا عفيف وعفيفة
قالو القصة منا نضيفة الطبخة صارت بالبراد
يا زياد
الحكومة طلعت بتحبك بنفس الخندق نامت حدك
طالبنا بشارع باسمك عملوا باسمك اوتوستراد
يا زياد
معقول بتترك فيروز هيكي بي شهر تموز
مقهورة عليك يا بو الزوز كان حلما تشوف الاحفاد
يا زياد
بمأتمك كان في شراشيح وشيخ الكافرين الشبيح
شو ذرفو دموع تماسيح بس يا ريتك كنت غاد
يا زياد
عهد علينا يا رفيق نمشي ونكفي الطريق
الا ما هل الشعب يفيق أو حكياتي حكي ولاد
يا زياد
يا ايقونة الابداع لو وقتي يا معلم ساع
بتصير تبطّل تنذاع وانا وعم عد الامجاد
يا زياد
يا ملك الساحة اللبنانية عا بياض.
يا ملك الساحة اللبنانية ع بياض
ويا زمان الطائفية والاوغاد
كان ل مفروض انتو تموتوا مش زياد
مش زياد
يا كاتب احلى الاغاني كلماتك كلا معاني
ألحانك من كوكب تاني والكوبليه بعدو بينعاد
يا زياد
للفن بفنك دوختو لرغيف السخن ضحكتو
بالشمع الاحمر ختمتو كسّرت كل الابعاد
يا زياد
يا حبيب الملايين مشيو خلفك ل مساكين
وعليا ل عيونا حلوين لوّنو دموعا السواد
يا زياد
سني شيعي يا محسن مسيحي درزي ممكن
ول مؤمن ول مش مؤمن وحّدت بموتك ل بلاد
يا زياد
منك الحب تعلمت بلا ولا شي دندنت
وقف الشعر دقيقة صمت ول مزح اعلن لحداد
يا زياد
صارت تفهم هاك البنت وعم تسألني كيفك انت
يا ضيعانك ملا انت بألف سنة ما بتنعاد
يا زياد
ما عمنعرف شو بدو وما بدنا نفهم قدو
اغلاطو ما بينعدو وعم بتاجر بالعباد
يا زياد
لو بتشوف مربى الدلال رقص ومحن وابتذال
مهرجان واحتفال وشعب غزة عم ينباد
يا زياد
جنوبك واقف بولادو ول معتر هوي ذاتو
ألوف الشهدا لماتو وبعدو زكريا قواد
يا زياد
قولك رح توعى ل شعوب او بس علينا مكتوب
نصمد ونموت بالجنوب والحكم هوي الجلاد
يا زياد
الحرب الاهليه عشناها قلو كس اختك بلاها
من كتر ما تذكرناها الهيئة انو رح تنعاد
يا زياد
والله انا مش كافر مقبور ببتي وناطر
قالو عني شاعر شاطر لا قل الحكي ولا زاد
يا زياد
لو فيي لعندك روح ارجع آخد منك روح
أو اتبرعلك بالروح وترجع تخفف أحقاد
يا زياد
يا نيال السما فيك ويمكن حتى ما تكفيك
صرت حب التلفريك ت قرّب منك بالكاد
يا زياد
وعدونا بحرية شريفة شفنا عفيف وعفيفة
قالو القصة منا نضيفة الطبخة صارت بالبراد
يا زياد
الحكومة طلعت بتحبك بنفس الخندق نامت حدك
طالبنا بشارع باسمك عملوا باسمك اوتوستراد
يا زياد
معقول بتترك فيروز هيكي بي شهر تموز
مقهورة عليك يا بو الزوز كان حلما تشوف الاحفاد
يا زياد
بمأتمك كان في شراشيح وشيخ الكافرين الشبيح
شو ذرفو دموع تماسيح بس يا ريتك كنت غاد
يا زياد
عهد علينا يا رفيق نمشي ونكفي الطريق
الا ما هل الشعب يفيق أو حكياتي حكي ولاد
يا زياد
يا ايقونة الابداع لو وقتي يا معلم ساع
بتصير تبطّل تنذاع وانا وعم عد الامجاد
يا زياد
يا ملك الساحة اللبنانية عا بياض.
Aucun commentaire:
Enregistrer un commentaire