صباح الخير

 

ريما عاصي الرحباني

كلمة مش لطيفة، ولا تونسيّة بدّي قولا، لذا يُرجى من  أصحاب النفوس الضعيفة و/أو الحساسة ما يقروها لأنّي رُغم ذلك رح قولا
شكراً وصباح الخير
شِيخْ وَلَوْ شو باك؟ فاتِح منبَرك لكل الكوارث الطبيعيّة والغَيْر طبيعيّة! وعَم تخلّيهُن يصيروا شي مَنُّن يَاه! لماذا؟ والأرضُ لَكُم؟
عم تِصنَع عجايب صحيح، بس شو صاير عليك!؟ طبِل من هون إخْت من هونيك، واوي من هون نِمْس من هونيك.. سي با بيرمي!
وَلَو! أنا مَا بعِرفَك هيك! وإنتَ أساساً، مش كايِن هيكْ تكُون! شو صايِر عليك! وشو صاير معَك؟ ما أَلْ إل بي سي كانت أهَم محَطّة على بِنا! اي شو بنا؟ شُوما كان ومَهما كان ما إلك حق تغَلِّط هلقَدْ وتِجْني علَينا وعلى الشَعب اللبناني! وَلَوْ! بعدين بعِلمي إنتَ صديق! والصديق، مِتلمَا بِفهَم الصداقة، بيكون إجمالاً لوقت الضيق! إي شوووو بِنا!؟ لحِّق حالك، وْْْْ لِيمِيتُون لِي دِيغَا، وِي! ما إلَك حَق والله، لِيه عم تعمل هيك! مَا آنِي عَم فكّر إبقى آنِي وإيَّاك! بس صعبة العيشة هيك! وعم تَعمُل هيك بكِل الشعب اللبناني! خاصةً وإنّو نضافة وشرَف وأخلاق ما عادْ في بنوبْ عا باقِي المحطَّات! إنقرَضت الأخلاق!
لأجل سكوب بيبيع شرفُو وضَميرو وأخلاقو، هيدا إن وُجِدوا من الأساس!
فظاعة الواطي والرخيص بيضَلّو واطي ورخيص ما بيتغيّر! والمُتعَربِش والكِلبَان شهرة كمان، واللي ما بيهمّو إلا حالو وإنّو شوفوني أنا شو مهِم وقوِي، بس لأن فتحولو منبر يرمي فيه كل وسَاختُو وقرَفو وقلة أخلاقو لأن هيك بتِنْقاس القوّة بِنظرو!
ما حدا بيِتغيّر أو بيِتحَسَّن! هول إشيا بِيلْتْ إِنْ، من وقت ما بيِخلَق الواحد يا عندو ياهُن يا لا يوجَد.
هلّق بعدما فَلْ زياد إستَغيَبتُوه!! يا قمّة عديمِي الأخلاق، وبلَّشتوا تطَلّعوا الكواليس!!!!؟؟؟ يا عيب الشوم علَيكُن يا بلا شرَف وبلا أخلاق وبلا بَقوة! حتّى بعدما فَلْ بدّكن تاخدوا ضَوْ منّو، لو على طَعنُو بالضَهر تفُوُوُوُوُوُوُوْوْوْه
ما أوسَخْكُن.
سبحان الله بحياتي ما نقِزْت من شَخصٍ ما، وطلعت غلطانة!
كل اللي نقِزْت منُن أكَّدولي إنّي، للأسف، داىمًا على حَقْ! لَبَل طلعوا أبشَع بَعد مِمَّا ظَنَّيْت!
فا بَعْد في إنتَ يا شيخ، ما تِنضَم إلُن! هنّي ما تغيَّروا ليه إنتَ تغَيَّرت!؟